Son dəqiqə
- 29 May 2025
Naxçıvan Muxtar Respublikası üzrə investisiyaların icra səviyyəsi aşağı olub.
APA-nın xəbərinə görə, bu barədə Milli Məclisin İqtisadi siyasət, sənaye və sahibkarlıq komitəsinin bu gün keçirilən iclasında “Azərbaycan Respublikasının 2024-cü il dövlət büdcəsinin icrası haqqında” qanun layihəsinin müzakirəsi zamanı Hesablama Palatasının sədri Vüqar Gülməmmədov bildirib.
Qeyd edilib ki, 2024-cü ilin əvvəlində dövlət əsaslı vəsait qoyuluşu xərclərində Naxçıvan Muxtar Respublikasının Nazirlər Kabinetinə ümumi adla qeyd olunmuş 2 istiqamət üzrə 249,1 mln. manat tutulub: “Dövlət büdcəsinə yenidən baxılma zamanı 2 layihə üzrə nəzərdə tutulmuş vəsait 42 layihəyə, hesabat ilinin sonuna isə 52 layihəyə bölüşdürülməklə ümumi nəzərdə tutulmuş vəsait 83,3% azaldılaraq 41,7 mln. manat təşkil edib. İcra isə 13,6 mln. manat olub. Yerinə yetirilmiş işlərin dəyəri isə cəmi 8,8 mln. manat təşkil edib”.
