• 9 Avqust 2022
logo
Fahrettin Koca Azərbaycanda “Birgə Səhiyyə Biznes Forumu”nun keçirilməsini təklif edib

Fahrettin Koca Azərbaycanda “Birgə Səhiyyə Biznes Forumu”nun keçirilməsini təklif edib

Türkiyənin səhiyyə naziri Fahrettin Koca ötən gün azərbaycanlı həmkarı Teymur Musayevlə görüşü zamanı Azərbaycanda “Birgə Səhiyyə Biznes Forumu”nun keçirilməsini təklif edib.
Anadolu xəbər verir ki, Fahrettin Koca deyib ki, həm koronavirus pandemiyası, həm də Rusiya-Ukrayna müharibəsi səhiyyə sahəsində bütün ehtiyacların, xüsusən də dərman, tibbi ləvazimat və cihazların təchizatının vaxtında ödənilməsinin çox vacib olduğunu bir daha göstərib:
“Bütün bu təcrübələr bizə bir daha sıx həmrəylik içində olmağın vacibliyini göstərdi. Səhiyyə Biznes Forumu ilə tibb, tibbi avadanlıq və cihazlar, peyvəndlər, sağlamlıq məlumat sistemləri, səhiyyə investisiyaları, xidmət satınalmaları, beynəlxalq xəstə müalicəsi sahələrində əməkdaşlıq inkişaf etdirə bilər".