• 9 Dekabr 2021
logo
Azərbaycan "Made in Karabakh" əmtəə nişanını təqdim edəcək

Azərbaycan "Made in Karabakh" əmtəə nişanını təqdim edəcək

20-22 oktyabr 2021-ci il tarixlərində Bakı Ekspo Mərkəzində keçiriləcək "Rebuild Karabakh" – Azərbaycan Beynəlxalq "Qarabağın Bərpa, Yenidənqurma və İnkişafı" sərgisi çərçivəsində "Made in Karabakh" əmtəə nişanı təqdim olunacaq.
Bunu "APA-Economics"ə sərginin təşkilatçısı olan "Caspian Event Organizers" şirkətinin layihə meneceri Rəşad Qədimov deyib.
Onun sözlərinə görə, söhbət Qarabağ zonasında istehsal edilən müxtəlif məhsulların bu əmtəə nişanı altında bazarlara çıxarılmasından gedir.
"Müvafiq nazirliklərin müxtəlif statistik məlumatları var. Məsələn, Qarabağ alternativ enerji ilə zəngin olan bir bölgədir, ona görə orada "Ağıllı kənd"lər salınır. Günəş enerjisindən istifadə edilərək isitmə və işıqlandırma sistemləri qurulur. "Made in Karabakh" dediyimiz əmtəə nişanı altında istər kənd təsərrüfatı, istərsə də digər məhsullar bazarlara çıxarıla bilər", - deyə R. Qədimov qeyd edib.