• 16 İyul 2024
logo
Avropa çempionatı: Azərbaycan idmançısı 3 medal qazandı

Avropa çempionatı: Azərbaycan idmançısı 3 medal qazandı

Azərbaycanın daha bir ağırlıqqaldıranı Yunanıstanın Saloniki şəhərində 15 və 17 yaşlı yeniyetmələr arasında keçirilən Avropa çempionatında 3 medal qazanıb.

Baymedia.az xəbər verir ki, Məhəmmədəli Məmmədzadə yaşı 15-ə qədər olan atletlər arasında 96 kiloqram çəki dərəcəsində qüvvəsini sınayıb.

O, birdən qaldırma hərəkətində 120 kiloqramı ram edərək bürünc medala layiq görülüb. Təkanla qaldırmada 146 kiloqramı başı üzərinə qaldıran idmançı bu hərəkətdə gümüş mükafat əldə edib.

M.Məmmədzadə toplam 266 kiloqram (120+146) nəticə ilə yekun sıralamada isə 3-cü olub.

Qeyd edək ki, Avropa çempionatında 38 ölkədən 415 (198 qız + 217 oğlan) atlet qüvvəsini sınayır.