.jpg)
- 26 Aprel 2024
Mayın 18-i İran Premyer Liqasının 22-ci mövsümünün yekun oyunları çərçivəsində Tehranın "İstiqlal" futbol komandası ilə Təbrizin "Traktor" komandasının qarşılaşması olub.
Baymedia.az xəbər verir ki, qalmaqallı qarşılaşma "İstiqlal"ın 7-1 hesablı qələbəsi ilə başa çatıb.
İranın bir sıra media orqanı bundan öncəki qarşılaşmada "Traktor"un "İstiqlal" üzərində 2-1 hesablı qələbəsinə toxunaraq, Təbriz komandasının məğlubiyyət xəbərini "Tehranın Təbrizdən ağır qisası", "Azadi" stadionu “Traktor”çuların xəyallarının qətlgahı" və başqa bu kimi başlıqlar altında dərc ediblər.
Həmçinin, dünənki qarşılaşmada "Traktor" komandasının 5 zədəli oyunçu ilə meydana çıxması mübahisə və müzakirələrə səbəb olub.
Qeyd edək ki, Premyer Liqanın 22-ci mövsümünün sonunda Tehranın "Perspolis" komandası 66 xalla birinci, İsfahanın "Sepahan" komandası 65 xalla ikinci, Tehranın "İstiqlal" komandası 62 xalla üçüncü və Təbrizin "Traktor" komandası 52 xalla dördüncü yerləri tutublar.
.jpg "Təklif qəbul edildi: Bakı-İrəvan danışıqlarında unikal məkan...")
.jpg "Bu, İran xalqının səsini əks etdirir - ABŞ")
