Səudiyyə Ərəbistanında ÜDM-nin 50 faizini qeyri-neft sektoru təşkil edir

Səudiyyə Ərəbistanında qeyri-neft sektoru 2023-cü ildə ölkənin ümumi daxili məhsulunun (ÜDM) 50 faizini təmin etməklə, mühüm mərhələyə qədəm qoyub.

Baymedia.az Səudiyyə Ərəbistanı mediasına istinadla xəbər verir ki, İqtisadiyyat və Planlaşdırma Nazirliyi bunu rekord göstərici adlandırıb. Krallıq iqtisadiyyatının qeyri-neft sektoru 1,7 trilyon Səudiyyə riyalı (təxminən 453 milyard dollar) həcmində qiymətləndirilib ki, bu da investisiyaların, istehlak xərclərinin və ixracatın sabit artımı ilə bağlıdır.

Özəl sektor investisiyaları son iki il ərzində 57 faiz artıb və 2023-cü ildə rekord həddə - 959 milyard Səudiyyə riyalına (254 milyard dollar) çatıb. İncəsənət və əyləncə sektorunda 2021-2022-ci illərdə 106 faiz artım müşahidə olunub. Əsasən turizm gəlirləri ilə formalaşan xidmət sahəsində isə son iki ildə 319 faizlik artım qeydə alınıb.

Qeyri-neft sektorunun fəallığının nəzərəçarpacaq dərəcədə artması Səudiyyə Ərəbistanının iqtisadi inkişaf amillərini diversifikasiya etmək məqsədinə uyğundur.

Digər xəbərlər

Azərbaycan neftinin qiyməti 105 dollara yaxınlaşıb

4 Sentyabr 2026 10:16 2 107

Səudiyyə Ərəbistanında ÜDM-nin 50 faizini qeyri-neft sektoru təşkil edir

Digər xəbərlər

Xəbər lenti