• 29 Mart 2024
logo
COVİD-19-a yoluxmuş bütün xəstələr həkim nəzarəti altında müalicə olunmalıdır - TƏBİB

COVİD-19-a yoluxmuş bütün xəstələr həkim nəzarəti altında müalicə olunmalıdır - TƏBİB

Xəstəliyi yüngül və ya ağır keçirməsindən asılı olmayaraq, COVİD-19-a yoluxmuş bütün şəxslər həkim nəzarəti altında müalicə olunmalıdırlar. Bunu Trend-ə TƏBİB-in İnfeksiya xəstəlikləri üzrə işçi qrupunun rəhbəri Vasif Əliyev deyib. Onun sözlərinə görə, hər bir insan ilk günlərdə yüngül formada keçən xəstəliyin sonradan ağırlaşa biləcəyini bilməlidir. V.Əliyev əlavə edib ki, test nəticəsi pozitiv çıxan xəstənin ilk gündən xəstəxanada yerləşdirilməsi üçün tibbi göstəriş yoxdur: “Ehtiyac olarsa, sahə həkimi evdə müalicə olunan xəstəni stasionar müalicə üçün xəstəxanaya yönləndirə bilər. Ancaq harada olmasından asılı olmayaraq, hər bir halda xəstə həkim nəzarətində müalicə olunmalıdır. Biz düşünməməliyik ki, xəstəlik ilk günlərdə yüngül formada keçirsə, o, sonadək yüngül formada qalacaq. Buna görə evdə müalicə olunan xəstələrin gündəlik olaraq, hərarəti ölçülməli, ağciyərinin fəaliyyəti izlənilməlidir. Ağciyərin oksigeni nə dərəcədə qəbul edib-etmədiyi həkim tərəfindən müəyyən olunmalı, xəstənin vəziyyətindən asılı olaraq, onun müalicəsinin növbəti mərhələsi ilə bağlı qərar qəbul edilməlidir".