• 20 Yanvar 2022
logo
Taliban qadınları zorla ərə verməyi qadağan edib

Taliban qadınları zorla ərə verməyi qadağan edib

Əfqanıstanda hakimiyyətdə olan Taliban hərəkatı qadın hüquqları ilə bağlı qərar imzalayıb.
Bu barədə Taliban hökumətinin sözçüsü Zabibullah Mucahid "Twitter" hesabında paylaşım edib.
Z. Mucahid qərarın mətnini öz səhifəsində dərc edib.
Qərarda bir sıra müddəalar yer alıb: "Nigah üçün yetkinlik yaşına çatmış qızların icazə olmalıdır. Heç kim məcburi şəkildə və təzyiqlə evliliyə cəlb oluna bilməz. Qadın mülk deyil, o, ali və azad varlıqdır. Barışıq və ya düşmənçiliyə son qoymaq üçün heç kim qadınları mübadilə edə bilməz. Qadının əri vəfat etdikdən sonra heç kim bu dul qadının qohumlarını məcbur edərək onunla evlənə bilməz. Dul qadının evlənmək və gələcəyini seçmək hüquq var. Dul qadının miras hüququ var və heç kimi onu bundan məhrum edə bilməz.
Poliqamidə (çoxarvadlılıqda ) şəxs "Şəriət hüquq"ilə bütün arvadlarına eyni hüququ verməli və onların arasında ayrıseçkilik etməməlidir".
Qərarla əlaqədar Talibanın Həcc və Dini Məsələlər Nazirliyinə, İnformasiya və Mədəniyyət Nazirliyinə, Ali Məhkəməyə və yerli idarəçilərə göstərişlər verilib.