İranın milli irs, əl işləri sənayesi və turizm naziri İzətullah Zərqaminin Azərbaycana səfəri başlayıb.
Zərqami İslam Əməkdaşlıq Təşkilatının Bakıda keçirilən turizm nazirlərinin 11-ci iclasında iştirak edəcək.
Səfər çərçivəsində iranlı nazirin bir sıra rəsmi şəxslərlə görüşləri keçiriləcək.
Görüşlərdə turizm sahəsində əməkdaşlıq əlaqələrinin inkişaf etdirilməsi, tarixi və dini abidələrin bərpası və digər məsələlər müzakirə olunacaq.