• 21 May 2024
logo
Həştərxandan Bakıya uçuşlar bərpa edildi

Həştərxandan Bakıya uçuşlar bərpa edildi

Rusiyanın “Azimut” aviaşirkəti Həştərxandan Bakıya birbaşa müntəzəm uçuşları bərpa edib.

Baymedia.az xəbər verir ki, bu barədə Həştərxan Beynəlxalq Hava Limanının mətbuat xidməti məlumat yayıb.

Məlumata görə, Azərbaycan paytaxtına uçuşlar həftədə iki dəfə bazar ertəsi və cümə axşamı günləri yerinə yetiriləcək.

Təyyarə Bakıdan saat 07:00-da qalxacaq və yerli vaxtla saat 08:30-da Həştərxana enəcək, əks istiqamətdə isə yerli vaxtla saat 09:35-də yola düşəcək və saat 11:05-də Bakıya çatacaq.

Bir istiqamətdə səyahət müddəti 1 saat 30 dəqiqədir.

Xatırladaq ki, hazırda Həştərxandan Bakıya “Azərbaycan Hava Yolları” QSC də aviareyslər yerinə yetirir.