Son dəqiqə
- 27 İyul 2024
"Qarabağ"ın baş məşqçisi Qurban Qurbanov Azərbaycan Premyer Liqasında bəzi oyunlarda əcnəbi VAR hakiminin təyinat alacağı məsələsinə münasibət bildirib.
Baymedia.az xəbər verir ki, baş məşqçi bunu heç xoş qarşılamadığını bildirib.
"Hamı öz sahəsində aktiv olmağa çalışmalıdır. Bu gün şansımız varsa ki, daha yaxşı olmalıyıq. Səhvlər olur, bilmirəm VAR nə qədər qəlizdir. Amma əgər bir insanın, hakimin işi qərar verməkdirsə və bundan narazılıq olacaqsa, hakim bu qərarı verməsə yaxşı olar.
Referilərimiz yəqin ki, bundan sonra daha məsuliyyətli çalışarlar. Cavan kadrlardır. Əslində bu təcrübə digər ölkələrdə də var. Əliyar Ağayev Yunanıstana gedir. Bu yaxşıdır. Demək ki, güvənirlər. Yerli hakimlərimiz yəqin ki, gələcək çempionat üçün kiməsə şans verməzlər. Baxmayaraq ki, hər sahədə legioner olur, amma hakimlikdə yerli olmalıdır".
