• 29 Mart 2024
logo
Mən lənkəranlıyam – Mahsun Qırmızıgül

Mən lənkəranlıyam – Mahsun Qırmızıgül

Mahsun Qırmızıgülün Bakı konserti yaşanan maraqlı anlardan biri də onun zalı gəzməsi zamanı baş verib.
Baymedia.az Publika.az-a istinadla xəbər verir ki, zalı gəzərkən sənətçini mühafizəçilər qorumağa başlayıb. Bu zaman Mahsun “Mənə burada heç nə olmaz. Bilmirsiniz ki, mən özüm Lənkəranlıyam?” - deyə bildirib.
Qırmızıgülün Lənkəran adını çəkməsinə səbəb uzun illərdir azərbaycanlı iş adamı Mübariz Mənsimovla dostluq etməsi olub. Azərbaycanlıları və Azərbaycanı çox sevdiyini dilə gətirən Mahsun Mübariz Mənsimovla yaxın dost olmasını da vurğulayıb.
Mahsun bildirib ki, gələn dəfə Bakı Konqress Mərkəzində yox, daha çox tamaşaçı olması üçün “Crystall Hall”da konsert verəcək. Qeyd edək ki, “Anadolu Events”in təşkil etdiyi tədbirdə 3000-dən çox tamaşaçı iştirak edib.
Qeyd edək ki, müğənni tədbirdən əldə edilən bütün gəliri Türkiyədə zəlzələdən əziyyət çəkənlər üçün bağışlayacaq.