• 21 May 2024
logo
Matviyenko: Simonyana ayıb olsun, bütün xətləri keçdi!

Matviyenko: Simonyana ayıb olsun, bütün xətləri keçdi!

Rusiya Federasiya Şurasının sədri Valentina Matviyenko senatorlara spiker Alen Simonyanın antirusiya bəyanatları ilə bağlı Ermənistan parlamentinə sorğu hazırlayıb göndərməyi tapşırıb.

Baymedia.az xəbər verir ki, bu barədə Rusiya mətbuatı məlumat yayıb.

“Həmkarıma, Ermənistan parlamentinin sədrinə sual vermək istərdim: o, kimin adından belə xəbərlər səsləndirib? Təbii ki, Rusiyanın çoxəsrlik dostluğu olan erməni xalqı adından deyil. Biz bu cür rusofob nitqi nəzərdən qaçıra bilmərik. Ermənistan parlamentinə yazılı sorğu göndərərdim ki, o, kimin adından danışıb və Ermənistan parlamenti bu görüşdə səslənənləri bölüşürmü? Biz bu cür rusofobik, antirusiya çıxışını nəzərdən qaçırmayacağıq. Sadəcə, həmkarımız üçün ayıbdı ki, o, artıq bütün qırmızı xətləri keçib”, - o bildirib.

Qeyd edək ki, Simonyan AB ölkələrinin parlament sədrlərinin konfransında çıxışı zamanı bildirib ki, konfransın diqqət mərkəzində Rusiyanın Ukraynaya işğalı və Yaxın Şərq münaqişəsi məsələsi olduğunu nəzərə alaraq, ölkəsinin Ukraynanın, eləcə də Moldova, Gürcüstan, Kipr və bütün ölkələrin ərazi bütövlüyünü qətiyyətlə müdafiə etdiyini təsdiqləyir.