• 21 Fevral 2024
logo
Xəstəxanalarda onlayn növbə sisteminin tətbiqinə başlanıldı

Xəstəxanalarda onlayn növbə sisteminin tətbiqinə başlanıldı

Xəstəxanalarda onlayn növbə sisteminin tətbiq edilməsinə başlanılıb.

Baymedia.az xəbər verir ki, bunu Tibb Ərazi Bölmələrini İdarəetmə Birliyinin (TƏBİB) İcraçı direktoru Vüqar Qurbanov deyib.

Onun sözlərinə görə, artıq paytaxtda bir çox xəstəxanada onlayn növbə sistemi fəaliyyətə başlayıb:

"Çünki xəstəxanalara müraciətlərin çoxluğuna görə növbələr olurdu və bu da vətəndaşlar üçün çətinlik yaradırdı. Ona görə də ilk olaraq Bakıdakı xəstəxanalar onlayn növbəyə keçdi. Vətəndaşlar evdə oturaraq öz növbələrini rahat şəkildə götürə biləcək və tibbi xidmətlərdən keyfiyyətli şəkildə istifadə edəcəklər".