• 28 Sentyabr 2020
logo
Ötən il qruplar üzrə ən nüfuzlu ixtisaslar açıqlanıb

Ötən il qruplar üzrə ən nüfuzlu ixtisaslar açıqlanıb

2019-cu ildə qəbul imtahanları zamanı qruplar üzrə ən nüfuzlu ixtisaslar müəyyənləşdirilib.

Bu barədə “Abituriyent” jurnalının 12-ci buraxılışında məlumat verilib.

Məlum olub ki, ötən il abituriyentlər Azərbaycan bölməsində I qrupda ən çox Bakı Dövlət Universitetinin “Riyaziyyat müəllimliyi”, II qrupda Azərbaycan Dövlət İqtisad Universitetinin “Maliyyə”, III qrupda Azərbaycan Dillər Universitetinin “Xarici dil müəllimliyi (ingilis dili üzrə)”, IV qrupda Azərbaycan Tibb Universitetinin “Müalicə işi”, V qrupda Azərbaycan Dövlət Bədən Tərbiyəsi və İdman Akademiyasının “Bədən tərbiyəsi və idman” ixtisaslarına üstünlük veriblər.

I ixtisas qrupundan başqa, digər ixtisas qruplarında rus bölməsi abituriyentlərinin seçimi Azərbaycan bölməsi ilə eyni olub. I ixtisas qrupunda rus bölməsinin abituriyentləri Azərbaycan Dövlət Neft və Sənaye Universitetinin “İnformasiya texnologiyaları” ixtisasına üstünlük veriblər.