- 2 May 2024
Qəbiristanlıqdan oğurluq edən keçmiş məhkumlar saxlanılıb.
Baymedia.az xəbər verir ki, bu barədə Daxili İşlər Nazirliyinin Mətbuat Xdmətinin Lənkəran regional qrupu məlumat yayıb.
Bildirilib ki, Lənkəran şəhəri ərazisində yerləşən qəbiristanlıqlardan birindən metal məhəccər və dəmir boruların oğurlanması ilə bağlı polisə məlumat daxil olub.
Şəhər Rayon Polis Şöbəsinin əməkdaşlarının keçirdikləri əməliyyat-axtarış tədbirləri nəticəsində həmin əməli törətməkdə şübhəli bilinən Lənkəran şəhər sakinləri, əvvəllər məhkum olunmuş Nail Cəfərov və İlqar Rəhimov müəyyən edilərək saxlanılıblar.
Şəxsi axtarış zamanı hər ikisinin üzərindən metamfetamin aşkarlanaraq götürülüb. N.Cəfərov və İ.Rəhimov barəsində həbs qətimkan tədbiri seçilib.
Faktla bağlı araşdırmalar aparılır.
