- 19 Aprel 2024
Rusiyanı tərk edən xarici investorlar il ərzində ölkədən təxminən 36 milyard dollar çıxarıblar.
Baymedia.az xəbər verir ki, bunu BKF Bankın analitik departamentinin rəhbəri Maksim Osadçiy deyib.
“2022-ci ilin martından 2023-cü ilin martına qədər Rusiyanı tərk edən şirkətlər 200 aktiv satışı həyata keçirib və onların yalnız 20%-i 100 milyon dollardan çox aktiv satıb. Aktivlərin ölçüsü ilə bağlı Pareto 80/20 qaydasının yerinə yetirilməsini fərz etsək, xarici investorların Rusiyadan çıxardığı kapitalın həcmini 36 milyard dollar səviyyəsində qiymətləndirə bilərik”, - o bildirib.
Rusiyanın Mərkəzi Bankından isə qeyd edilib ki, milli miqyasda xarici investorlar tərəfindən Rusiya aktivlərinin satışının daxili bazara təsiri məhduddur, çünki bu cür əməliyyatların əhəmiyyətli bir hissəsi lazımi lisenziyaların və patentlərin qorunmasını əhatə edir. Bundan əlavə, bir çox şirkət geri dönməyi gözləyir.
