- 19 Aprel 2024
Amerikanın “Voll Strit Jurnal” qəzetinin jurnalisti Evan Qerşkoviç Yekaterinburqda casusluqda şübhəli bilinərək saxlanılıb.
Baymedia.az xəbər verir ki, bu barədə Rusiya Federal Təhlükəsizlik Xidməti məlumat yayıb.
“Casusluqda şübhəli bilinən ABŞ vətəndaşı, Rusiya Xarici İşlər Nazirliyində akkreditə olunmuş “Voll Strit Jurnal” qəzetinin Moskva bürosunun müxbiri, 1991-ci il təvəllüdlü Evan Qerşkoviçin qanunsuz fəaliyyətini dayandırıb”, - məlumatda bildirib.
Qeyd olunur ki, jurnalist Amerika tərəfinin göstərişi əsasında dövlət sirri olan Rusiya hərbi sənaye kompleksinin müəssisələrindən birinin fəaliyyəti haqqında məlumat toplayıb.
Artıq Rusiya FTX-nin İstintaq İdarəsi ABŞ vətəndaşına qarşı cinayət işi açıb. Rusiyanın Cinayət Məcəlləsinin 276-cı maddəsi (casusluq) ilə jurnalisti 20 ilə qədər həbs gözləyir.
