• 16 İyul 2024
logo
Rusiyanın dağılmasını gözlərimizlə görəcəyik

Rusiyanın dağılmasını gözlərimizlə görəcəyik - Danilov

Ukraynanın bütün ərazisi işğalçılardan azad ediləcək. Rusiyanı isə başqa aqibət gözləyir - parçalanmaq.
Bunu Ukrayna Milli Təhlükəsizlik və Müdafiə Şurasının katibi Aleksey Danilov deyib.
O bildirib ki, Ukrayna ordusu rusları ölkə ərazisindən qəhrəmancasına çıxarır:
“Krımda baş verənlərə gəlincə, Putinin ətrafında heç kim belə bir məqamı xəyal etməyib. Ruslar mühafizə altında olduqlarını düşünürdülər, bunun yalan olduğu ortaya çıxdı. İşğal olunmuş Krım əvvəllər ümumiyyətlə “qırmızı xətt” hesab olunurdu və Krım körpüsünün dağıdılmasını qəbuledilməz adlandırırdılar. Rusiya təkcə bunu deyil, yaxın 5-7 ildə onu gözləyən başqa amilləri də “udmalı” olacaq. Bu şərtlərlə Rusiyanın gələcəkdə parçalanmasına gətirib çıxaracaq. Biz Rusiya Federasiyasının dağılmasını öz gözlərimizlə görəcəyik”.