• 27 May 2022
logo
Boris Conson Putinlə danışıqlara hazır olduğunu bildirib

Boris Conson Putinlə danışıqlara hazır olduğunu bildirib

Boris Conson Ukrayna ətrafındakı vəziyyəti müzakirə etmək üçün Rusiya Prezidenti Vladimir Putinlə yenidən danışığa hazır olduğunu açıqlayıb.
Bu gün parlamentdə çıxış edən Baş nazir bildirib ki, Rusiyanın məqsədi NATO-nun öz sərhədlərinə yaxınlaşmasına imkan verməməkdir. O, bildirib ki, Britaniyanın Xarici işlər naziri və müdafiə naziri rəsmi Londonun məsələ ilə bağlı mövqeyini Prezident Putinə çatdırıblar.
Boris Conson 13 dekabrda Putinlə telefonla danışıq xatırladaraq gərginliyin səngiməsi üçün yenidən danışıqlara hazır olduğunu bildirib.
Baş nazir çıxışında Rusiyanın Ukraynanın başına silah dayadığını deyib və bildirib ki, Rusiya Ukraynanı işğal edərsə, Böyük Britaniya NATO-nun Şərqi Avropada əsaslı şəkildə yerləşməsinə töhfə verəcək.
O həmçinin bildirib ki, ukraynalıların öz ölkələrini müdafiə etmək üçün hər cür mənəvi və hüquqi hüququ var.
Baş nazir ölkəsinin Rusiyanın Ukraynaya qarşı aqressiyasına qarşılıq olaraq, sanksiyaları sərtləşdirməkdən çəkinməyəcəyini deyib.