Ermənistan parlamentində deputatlar arasında əlbəyaxa dava baş verib.
Erməni mediasının məlumatına görə, müxalif "Ermənistan" fraksiyasından olan deputat İşxan Saqatelyanın köməkçisi jurnalistlərə bildirib ki, iş otağına gedərkən səs eşidib və vitse-spiker Ruben Rubenyanın kabinetində 3 müxalif deputatın hakim partiya üzvləri tərəfindən döyüldüyünü görüb.
Onun sözlərinə görə, hadisə zamanı Təhlükəsizlik xidmətinin əməkdaşları orada olsalar da, olaya müdaxilə etməyiblər.