• 4 Dekabr 2021
logo
Bakıdan “Kayrat”ı aparan təyyarə Almatıda qəzaya uğrayıb

Bakıdan “Kayrat”ı aparan təyyarə Almatıda qəzaya uğrayıb

Konfrans Liqasının qrup mərhələsinin III turunda “Qarabağ”la qarşılaşan “Kayrat” Bakıdan Qazaxıstana qayıdanda qəzaya uğrayıb.
Qazaxıstan mətbuatına istinadən məlumatına görə, komandanı ölkəyə aparan hava gəmisi Almatı Hava Limanında avtomobillə toqquşub.
Yerli vaxtla səhər saat 7 radələrində baş verən fövqəladə hadisə zamanı “Renault” markalı avtomobil “FlyJet” şirkətinə məxsus təyyarənin altında qalıb. Hadisənin hansı şəraitdə baş verdiyi araşdırılır və bununla bağlı istintaq başladılıb. Toqquşmadan sonra sərnişinlər təcili təxliyəni gözləyərək bir saatdan çox təyyarədə qalıblar. Ölən və yaralanan yoxdur.
Qeyd edək ki, dünən Tofiq Bəhramov adına Respublika Stadionunda keçirilən “Qarabağ” – “Kayrat” matçı Azərbaycan təmsilçisinin 2:1 hesablı qələbəsi ilə yekunlaşıb.