• 2 Oktyabr 2022
logo
Braziliya prezidenti peyvənd olunmadığı üçün oyuna buraxılmayıb

Braziliya prezidenti peyvənd olunmadığı üçün oyuna buraxılmayıb

Braziliya prezidenti Jair Bolsonaru A seriyasının XXV turunun “Santos” – “Qremio” matçına buraxılmayıb.
Buna səbəb koronavirus pandemiyası ilə bağlı tətbiq edilən qaydalar olub.
Ölkə başçısı oyunu tribunadan izləmək istəsə də, peyvənd olunmadığı üçün icazə verilməyib. Qaydalara əsasən, matçlara ancaq peyvənd sertifikatı olan tamaşaçılar buraxılır.
Dəfələrlə peyvənd və təcrid tədbirlərinə qarşı çıxan Jair Bolsonaru hadisəyə münasibət bildirib: “Peyvənd sertifikatına nə ehtiyacım var? “Santos”un matçını izləmək istədim, peyvənd olunub-olunmadığını soruşdular. Nə üçün? Peyvənd edilənlərdən daha çox antitelim var”.
Qeyd edək ki, görüş “Santos”un 1:0 hesablı qələbəsi ilə yekunlaşıb.