• 24 Yanvar 2022
logo
Borrell: “Aİ Rusiya və Çinin Əfqanıstandakı vəziyyəti nəzarətə götürməsinə imkan verməməlidir”

Borrell: “Aİ Rusiya və Çinin Əfqanıstandakı vəziyyəti nəzarətə götürməsinə imkan verməməlidir”

“Avropa İttifaqı (Aİ) Rusiya və Çinin Əfqanıstandakı vəziyyəti nəzarət altına almasına və Kabilə sponsor olmasına imkan verməməlidir”.
Bunu Aİ-nin Xarici siyasət və Təhlükəsizlik məsələləri üzrə Ali Nümayəndəsi Cozep Borrell Avropa Parlamentinin Xarici işlər Komitəsinin Əfqanıstanla bağlı hibrid formada keçirilən iclasında çıxışı zamanı deyib.
Aİ-nin Ali Nümayəndəsi Əfqanıstanda baş verən son hadisələri fəlakət və kabus kimi xarakterizə edib və əlavə edib ki, "Taliban"ın hakimiyyətə belə sürətlə gələcəyi ilə bağlı Qərb kəşfiyyatı da yanılıb: “Bu həm də kəşfiyyatın uğursuzluğudur. Bəlkə hətta "Taliban" belə sürətlə ölkəni nəzarətə alacağını gözləmirdi”.
C. Borrell deyib ki, gələcəkdə Əfqanıstanda vəziyyətin necə olacağı məlum deyil: “Aİ olaraq beynəlxalq tərəfdaşlarla danışıqlar aparırıq, ABŞ dövlət katibi Blinkenlə telefon danışığım oldu. Biz vəziyyəti və imkanları müzakirə etdik”.
O vurğulayıb ki, Aİ Rusiya və Çinin Əfqanıstandakı vəziyyəti nəzarət altına almasına imkan verməməlidir.