• 15 Oktyabr 2019
logo
add image
Neft şirkətinin avtobusu aşdı, ölən və yaralanan var

Neft şirkətinin avtobusu aşdı, ölən və yaralanan var

İranın cənub-qərbində yerləşən Xuzistan vilayətinin Abadan rayonunda neft şirkətinin işçilərini aparan avtobus aşıb.

Trend-in məlumatına görə, bunu İranın Xuzistan vilayəti Abadan rayonunun təcili yardım idarəsinin rəhbəri Əmin Mənsur deyib.

Ə.Mənsurun sözlərinə görə, hadisə bu gün səhər saatlarında Abadan-Mahşəhr youlnda baş verib.

İdarə rəhbəri əlavə edib ki, hadisə nəticəsində indiyədək 1 nəfər həlak olub, 21 nəfər yaralanıb.

Yaralılar xəstəxanaya çatdırılıb.

Abadan Neftayırma şirkətinin işçiləri Mahşəhr ixracat limanına iş yerinə gedirmişlər.