• 29 Mart 2024
logo
Şarl Mişel Gürcüstana səfər edəcək

Şarl Mişel Gürcüstana səfər edəcək

Avropa İttifaqının (Aİ) Prezidenti Şarl Mişel Gürcüstana səfər edəcək.

APA-nın Gürcüstan bürosu xəbər verir ki, bu barədə Aİ Şurası məlumat yayıb.

Bildirilib ki, Ş.Mişel fevralın 28-dən martın 3-dək ardıcıl olaraq Moldova, Gürcüstan və Ukraynaya səfər edəcək.

O, Gürcüstana səfəri çərçivəsində Prezident Salome Zurabişvili, Baş nazir İrakli Qaribaşvili və parlament sədri Arçil Talakvadze ilə görüşlər keçirəcək. Şarl Mişelin müxalifət liderləri ilə də görüşəcəyi qeyd olunub.

Aİ Prezidenti daha sonra Ukraynaya səfər edəcək və Prezident Vladimir Zelenski ilə görüşəcək.

Məlumatda qeyd olunub ki, ikitərəfli əlaqələr və COVİD-19-a qarşı birgə mübarizə, Şərq Tərəfdaşlığının gələcəyi kimi məsələlər səfərin gündəliyində əsas məsələlər olacaq.