• 1 Dekabr 2020
logo
Əmək miqrantlarının Rusiyadan axını işçi qüvvəsinin çatışmazlığına səbəb olub

Əmək miqrantlarının Rusiyadan axını işçi qüvvəsinin çatışmazlığına səbəb olub

Əvvəllər əmək miqrantlarını işə götürən Rusiya şirkətlərinin təxminən 40%-i işçi qüvvəsinin çatışmazlığı ilə üzləşib.

"APA-Economics"in "Vedomosti"yə istinadən verdiyi məlumata görə, bu barədə Rusiyanın Strateji Araşdırmalar Mərkəzinin araşdırmasında deyilir.

Qeyd olunur ki, xarici işçi qüvvəsinin Rusiyadan axını ölkədə yeni bir problemə səbəb olub – kuryer və taksi sürücülərinin kəskin çatışmazlığı yaranıb.

Mütəxəssislərin fikrincə, şirkətlərin 15%-i tezliklə yeni işçilərin cəlb edilməsi zərurəti ilə üzləşəcək. Sorğunun nəticələri onu göstərib ki, iş yerlərinin 40%-i əməkhaqqında qənaət etmək üçün xarici vətəndaşları işə götürüb. Sorğuda iştirak edən şirkətlərin digər 35%-i miqrantların rusiyalılarla müqayisədə daha yüksək göstəricilərə malik olduqlarını qeyd edib. Bununla belə, Rusiyada hər dördüncü işəgötürən (25%) miqrantların işə daha məsuliyyətli münasibətini vurğulayıb.

Şirkətlər bununla birlikdə miqrantları işə götürərkən ortaya çıxan problemləri də qeyd edib. Bunların arasında mentalitet fərqi, dil maneəsi, işə düzələrkən bürokratik çətinliklər var.