• 24 Oktyabr 2021
logo
Koronavirusa görə Fransada üzümün bir hissəsi məhv ediləcək

Koronavirusa görə Fransada üzümün bir hissəsi məhv ediləcək

Koronavirus pandemiyası İkinci Dünya müharibəsindən bəri şampan şərabının tələbatının ən kəskin azalmasına səbəb oldu. Bununla əlaqədar istehsalçılar daha az üzüm yığmağa razılıq verib – məhsulun bir hissəsi isə məhv olunacaq.

"APA-Economics" xəbər verir ki, bu barədə "The Times" nəşri yazır.

Şardone, pino-nüar və pino-menye üzüm növlərinin alışının 90%-ni təşkil edən 360 şərab istehsalçısı üzümçülüklə məşğul olan fermerlərlə müqavilə bağlayıb. Fermerlər hər hektardan 8 tondan çox üzüm yığılmayacağını öhdəsinə götürüb ki, bu da ötən illə müqayisədə 22% azdır.

Bu, məhsulun beşdə birinin çürüməsinə səbəb olacaq. "Moet&Chandon", "Krug", "Dom Perignon" və "Veuve Clicquot" kimi şampan markalarına sahib olan LVMH şirkətinin satışları koronavirus pandemiyası səbəbindən 30% azalıb.