- 18 Aprel 2024
Monqolustanda yeni növ növ koronavirus (COVID-19) infeksiyası ilə əlaqədar tətbiq edilmiş yüksək hazırlıq rejimi iyulun 31-dək uzadılıb.
APA-nın xəbərinə görə, bu barədə “Montsame” agentliyi məlumat yayıb.
Bildirilib ki, bununla əlaqədar müvafiq qərar bu gün ölkənin yeni hökumətinin ilk iclasında qəbul edilib.
Monqolustan Səhiyyə Nazirliyindən bildirilib ki, iyulun 9-a olan məlumata əsasən, ölkədə indiyədək COVID-19-a 227 yoluxma halı qeydə alınıb. Virusa yoluxan 197 nəfər sağalıb.
Bütün ölkə boyu 2 996 nəfər həkimlərin nəzarəti altındadır.
Xatırladaq ki, Monqolustan hakimiyyəti martın 11-dən müvəqqəti olaraq bütün beynəlxalq müntəzəm aviareysləri və beynəlxalq istiqamətdə dəmir yolu ilə sərnişin daşınmasını dayandırıb.
