• 9 İyul 2020
logo
Putin Rusiya vətəndaşlarını Konstitusiya düzəlişlərinə səs verməyə çağırıb

Putin Rusiya vətəndaşlarını Konstitusiya düzəlişlərinə səs verməyə çağırıb

Rusiya prezidenti Vladimir Putin ölkə əhalisinə müraciət edib.

APA-nın Moskva müxbirinin verdiyi məlumata görə, prezident rusiyalıları Konstitusiyaya düzəlişlərə səs verməyə çağırıb.

O, hər bir fərdin səsinin vacib olduğunu qeyd edib: Sabah - iyulun 1-i əsas səsvermə günüdür. Əziz dostlar, sizdən öz sözünüzü deməyinizi xahiş edirəm. Sizin hər birinizin səsi vacibdir”.

Dövlət başçısı səsvermənin bir neçə gündür, davam etdiyini xatırladıb. O, bu addımın insanların sağlamlığının qorunması üçün atıldığını vurğulayıb.

Ölkənin əsas qanununa dəyişikliklərlə bağlı mövqeyini xatırladan Putin bildirib ki, bu, dəqiq, dəyişilməz və tamamilə qəti mövqedir: “Təklif olunan bütün düzəlişlər ancaq sizin dəstəyinizlə qüvvəyə minəcək. Əminəm ki, Konstitusiyaya düzəlişlərə səs verərək rusiyalılar yaşamaq istədikləri ölkəyə səs verəcəklər”.