• 27 Noyabr 2020
logo
Almaniyalı nazir: “Pandemiya ən azı bu ilin sonuna qədər davam edəcək”

Almaniyalı nazir: “Pandemiya ən azı bu ilin sonuna qədər davam edəcək”

“Koronavirus pandemiyası ən azı bu ilin sonuna qədər davam edəcək”.

Bunu Almaniyanın Federal Kansler Aparatının rəhbəri, xüsusi tapşırıqlar üzrə nazir Helge Braun "Deutschlandfunk" radiosuna deyib.

“Biz hazırda pandemiyadan sonrakı mərhələni yaşamırıq. Əksinə bir müddət bizimlə olacaq bir pandemiyanın mərkəzindəyik və ən azı bu il üçün belə olacaq”, - deyə H. Braun vurğulayıb.

Qeyd edək ki, mayın 6-da kansler Angela Merkel Almaniyada koronavirusla bağlı tətbiq olunmuş qadağaların yüngülləşdirilməsi ilə əlaqədar addımların atıldığını elan edib. Lakin o bildirib ki, virusa yoluxma sayı yenidən artacağı təqdirdə məhdudiyyətlərin yenidən bərpasına imkan verən mexanizm yaradılıb.