• 20 Avqust 2022
logo
Türkiyə səfiri: “Zəngəzur dəhlizi bölgəyə çox böyük faydalar verəcək”

Türkiyə səfiri: “Zəngəzur dəhlizi bölgəyə çox böyük faydalar verəcək”

Bu gün geosiyasi reallıqlar dəyişib.
Bunu Türkiyənin Azərbaycandakı səfiri Cahit Bağcı "Şuşa Bəyannaməsindən Sonra Türkiyə-Azərbaycan Müttəfiqlik Münasibətləri, Yeni Regional Reallıqlar və Qarabağın Yenidən Qurulması və İnkişafında Türkiyənin Rolu" haqqında Diplomatiya Həftəsi iştirakçıları qarşısında çıxışında deyib.
Səfir geosiyasi reallıqların dəyişməsinə səbəb kimi, Rusiyanın Ukraynaya hücumunu göstərib.
Türkiyəli diplomat İsveç və Finlandiyanın NATO-ya üzvlüyü prosesinə də toxunub.
Səfir Rusiya-Ukrayna müharibəsindən əvvəl, hələ pandemiya dövründə də dünyada təhlükəsizliyin prioritet olmasına diqqət çəkib.
Cahit Bağcı bu kontekstdə qida təhlükəsizliyinin, enerji təhlükəsizliyinin əhəmiyyətini vurğulayıb. Diplomat əlavə edib ki, müharibə fonunda təbii qazın qiymətləri artmaqdadır.
Diplomat eyni zamanda, Zəngəzur dəhlizinin də əhəmiyyətini diqqətə çatdırıb:
“Zəngəzur dəhlizinin fəaliyyətə başlaması bölgəyə çox böyük faydalar verəcək”.