• 19 Yanvar 2022
logo
Artıq “Turkey” yazılmayacaq

Artıq “Turkey” yazılmayacaq - Ərdoğandan fərman

Türkiyə Prezidenti Rəcəb Tayyib Ərdoğan “Türkiye” ifadəsinin bir marka olaraq istifadə edilməsinə dair fərman imzalayıb.
Fərmanın mətnini təqdim edirik:
“Türkiyə ifadəsi türk millətinin mədəniyyətini, sivilizasiyasını və dəyərlərini ən yaxşı şəkildə təmsil etməkdədir. Bu çərçivədə ixrac məhsullarımızda “Made in Turkey” deyil, “Made in Türkiye” ifadəsi işlədilməyə başlanacaq. Bundan sonra da hər sahədə dövlətimiz və millətimizin min illik təcrübəsini “Türkiye” brendi altında təmsil etmək məqsədəuyğundur.
Eyni zamanda, “Türkiye” markasının gücləndirilməsi istiqamətində aparılan işlər çərçivəsində hər cür fəaliyyət və yazışmalarda, xüsusilə digər dövlətlər, beynəlxalq qurumlar və təşkilatlarla rəsmi əlaqələrdə “Turkey”, “Turquie”, “Turkei” və s. ifadələr yerinə “Türkiye” ifadəsinin istifadəsində lazımi həssaslıq göstəriləcək”.