Son dəqiqə
- 24 Aprel 2024
.jpg)
"Türkiyə 2015-ci ilin iyulundan bu günə qədər 17 750 terrorçunu zərərsizləşdirib".
APA-nın yerli bürosunun xəbərinə görə, bunu Türkiyə Prezidenti Rəcəb Tayyib Ərdoğan Nazirlər Kabineti üzvləri ilə keçirdiyi toplantıdan sonrakı açıqlamasında bildirib.
R.T.Ərdoğan deyib ki, bu mübarizədə 12 900 terrorçu məhv edilib, 1300-ü yaralanıb, 1300-ü sağ olaraq ələ keçirilib, 243-2 isə təslim olub.
Türkiyə prezidenti deyib ki, indiyədək ölkəsinin daxilində və xaricində terrorçulara qarşı aparılan mübarizə əməliyyatlarında ümumilikdə 1259 nəfər şəhid olub: “Onlardan 401-i hərbici, 403-ü jandarma, 116-sı təhlükəsizlik mütəxəssisidir. Bu mərhələdə 770 vətəndaşımız həyatını itirib, 5 mindən çox insanımız yaralanıb. Buradan rəqəm olaraq səsləndirdiyimiz hər bir şəhidimizin, qazimizin, hətta terrorçuların belə canlı insan olduğunu, onların həyatından söhbət getdiyini əsla unutmuruq. Bizim əlimiz heç bir günahsızın qanına batmayıb. Mədəniyyətimizin təməlində insanı yaşat ki, dövlət yaşasın anlayışı var. Terrorla mübarizə məsələsi gündəlik polemikalardan yüksəkdə durması lazım və vacib olan milli məsələdir”.
.jpg "Fikir ADA-sından son mesaj")
