- 29 Noyabr 2023
“Qarabağ”ın qapıçısı Emil Balayevin karyerasını yenidən Qazaxıstanda davam etdirəcəyi dəqiqləşib.
Bu barədə meta-ratings.kz saytı məlumat yayıb.
Bildirilib ki, Azərbaycan millisinin qolkiperi Qazaxıstan Super Liqa təmsilçisi “Turan”la hərtərəfli anlaşma əldə edib. 27 yaşlı qapıçının tezliklə rəsmi müqavilə imzalayacağı və komandanın Çimkənddəki toplanışına qatılacağı vurğulanıb.
Türkistan təmsilçisi bu keçid üçün “Qarabağ”ın da razılığını alıb. Emil “Turan”ın hazırkı baş məşqçisi Vladimir Qazzaevin rəhbərliyi altında 2019-cu ildə “Tobol”da çıxış edib.
Qeyd edək ki, Luka Quqeşaşvilinin gəlişindən sonra “Qarabağ”da 3-cü qapıçıya çevrilən Emil Balayevin müqavilə müddəti mövsümün sonuna qədərdir.
