• 19 Noyabr 2019
logo
add image
Gimnastlarımız Gürcüstandan medallarla qayıdır

Gimnastlarımız Gürcüstandan medallarla qayıdır

Həftəsonu Tbilisidə (Gürcüstan) idman gimnastikası üzrə “Medea Cup” adlı beynəlxalq turnir keçirilib.
Azərbaycan Gimnastika Federasiyasından verilən məlumata görə, turnirdə ölkəmizi yığma komandanın üzvləri Anar Həsənov, Rəsul Əhmədzadə və Ramin Dəmirov təmsil edib.
Gimnastlardan ən yaxşı nəticəni Anar və Rəsul göstərib. Belə ki, Anar sərbəst hərəkətlərdə, Rəsul isə turnikdə 1-ci olub. Anar dəstəli atda çıxışına görə 2-ci, Rəsul isə 3-cü yerdə qərarlaşıb. Onların komanda yoldaşı Ramin isə halqalarda 2-ci olub. Rəsul daha bir alətdə - parallel qollarda çıxış edərək, daha bir bürünc medal qazanıb.