• 2 Oktyabr 2020
logo
“Qalatasaray” klubu sabah Azərbaycana yollanacaq

“Qalatasaray” klubu sabah Azərbaycana yollanacaq

Avropa Liqasının II təsnifat mərhələsində “Neftçi” ilə qarşılaşacaq Türkiyənin “Qalatasaray” klubunun Azərbaycana gələcəyi tarix müəyyənləşib.

Apasport.az saytının məlumatına görə, İstanbul təmsilçisi sentyabrın 16-da səhər saatlarında ölkəni tərk etməyə hazırlaşacaq.

Koronavirus testindən keçdikdən sonra Bakıya xüsusi çarter reysi ilə gələcək “cim-bom”un təyyarəsi yerli vaxtla saat 11:00-da (Bakı vaxtı ilə 12:00) havaya qalxacaq. Komanda sabah axşam saatlarında matçın oynanılacağı Bakı Olimpiya Stadionunda son məşqinə çıxacaq.

Qeyd edək ki, sentyabrın 17-də baş tutacaq “Neftçi” – “Qalatasaray” görüşü saat 20:00-da start götürəcək.