• 27 May 2022
logo
Sosial təhlükə altında olan uşaqlarla bağlı müəssisələr yaradılacaq

Sosial təhlükə altında olan uşaqlarla bağlı müəssisələr yaradılacaq

“Aparılan qiymətləndirmələr və müraciətlərin təhlili göstərir ki, yeni müəssisələrin açılmasına və mövcud müəssisələrimizin bölgələrdə filiallarının yaradılmasına ehtiyac var”.

Sosial Xidmətlər Agentliyinin İdarə Heyətinin sədrinin müavini Faiq Ağayev "Sosial saat"da deyib.
O bildirib ki, xüsusən kimsəsiz və sosial təhlükə altında olan uşaqlara, məişət zorakılığından zərər çəkmiş şəxslərlə bağlı müəssisələrin açılması labüddür:

"Bu cür müəssisələrin açılması üçün tədbirlərə başlanılıb və cari ilin sonuna kimi bu müəssisələr yaradılacaq".

Faiq Ağayev eyni zamanda deyib ki, Abşeronda fəaliyyət Sosial Xidmət Mərkəzi modelinin cari ildə ən azı 2 rayonda yaradılması planlaşdırılıb:

“Agentliyin 1 və 2 saylı sağlamlıq imkanları məhdud uşaqlar üçün sosial xidmət müəssisəsi vardır ki, həmin müəssisələrin tərkibində Günərzi qayğı mərkəzlərinin yaradılması nəzərdə tutulub”.