- 11 Dekabr 2023
Respublikanın əksər bölgələrində fevral ayının ikinci ongünlüyü havanın orta temperaturu çoxillik iqlim normasından 2-3°C yüksək və az yağıntılı hava şəraiti ilə səciyyələnib.
Bu barədə fevral ayının 2-ci dekadası üzrə aqrometeoroloji bülletendə qeyd olunub.
Bildirilib ki, havanın dekadalıq orta temperaturu Maştağada 6,8ºC, Mərkəzi Aran və Mil-Muğan bölgələrində 6-7⁰C, Lənkəran-Astara bölgəsində 4-7ºC, Quba- Xaçmazda 2-5ºC, Şəki-Zaqatalada 4-6⁰C, Dağlıq Şirvan bölgəsində 2-3ºC, Gəncə-Daşkəsəndə -1,2_7ºC, Qazax-Tovuzda 1-6⁰C, Qarabağ bölgəsində 6-7ºC və Naxçıvanda 3,4ºC təşkil edib.
Havanın minimum temperaturu Astara və Maştağada 3ºC, Göyçay, Bərdə və Acınohurda 2ºC, Cəfərxan, Gəncə 0ºC, Zərdab, Lənkəran, Zaqatala və Qəbələdə -1ºC, Tovuz və Qubada -2ºC Şəki, Ceyrançöl və Dağlıq Şirvanda -3ºC , Naxçıvanda -4ºC, Daşkəsən və Gədəbəydə -7_-8⁰C qeydə alınıb.
Torpaq səthinin minimum temperaturu Göyçayda 1ºC, Maştağada -1,7ºC, Cəfərxanda -2ºC, Zaqatala və Ceyrançöldə -3ºC, Şəki və Mərəzədə -4ºC, Gəncə və Naxçıvanda -6ºC, Tovuzda -8⁰C qeydə alınıb.
Yağıntının dekadalıq miqdarı Lənkəran-Astara bölgəsində 33-42 mm, Şəki-Zaqatalada 5-9 mm, Mil-Muğan bölgəsində 8-12 mm, Bərdə, Daşkəsəndə 11 mm, Dağlıq Şirvanda 8-12 mm qeydə alınmışdır. Naxçıvanda qar örtüyünün izi müşahidə edilib.
Nisbi rütubət Dağlıq Şirvan bölgəsində 82-85%, Gəncə-Daşkəsəndə 64-93%, Qazax-Tovuz bölgəsində 59-82%, Qarabağda 73-74%, Naxçıvan və Maştağada 77%, Lənkəran-Astara bölgəsində 80-88%, Mil-Muğanda 73-82%, Şəki-Zaqatalada 63-76%, Quba-Xaçmaz bölgəsində 79-80%, Mərkəzi Aranda 78-81% təşkil edib.
Rütubət çatışmazlığı Dağlıq Şirvan, Lənkəran-Astara bölgəsində 1-2 hPa, Gəncə-Daşkəsən və Qazax-Tovuz bölgəsində 1-4 hPa, Qarabağda 4 hPa, Naxçıvan HMS-da 3 hPa , Maştağa və Quba-Xaçmaz bölgəsində 2 hPa, Şəki-Zaqatala bölgələrində 2-4 hPa, Mil-Muğan və Mərkəzi Aran bölgələrində 2-3 hPa olub.
Sürəti 15 m/san-dən yuxarı olan küləkli günlərin sayı Tərtərdə 1 gün, küləyin maksimum sürəti 26 m/san, Balakəndə 24 m/san, Beyləqanda 23 m/san, Xaçmazda 22 m/san, Gəncə, Daşkəsən, Tovuz və Şəkidə 1-2 gün, maksimal sürət 20 m/san, Goranboy, Mərəzə, Zaqatala və Maştağada 1-3 gün 18 m/san qeydə alınıb.
.jpg "Ordumuz istənilən tapşırığın icrasına hazırdır - General")
