• 29 Mart 2024
logo
Narkomaniya ilə bağlı cəzalara yenidən baxılması təklif olunur

Narkomaniya ilə bağlı cəzalara yenidən baxılması təklif olunur

“Bu gün narkotik istifadəçilərinə pozuntu törədən şəxs kimi deyil, xəstə kimi baxmalıyıq. Dünya təcrübəsində bu belədir. Buna görə də bizdə onlarla bağlı məhkəmə proseslərinə də yenidən baxılmalıdır”.
Bunu Milli Məclisin Ailə, qadın və uşaq məsələləri və Səhiyyə komitələrində bu gün keçirilən “Narkomaniya ilə mübarizə ailə sağlamlığının təminatıdır” mövzusunda dinləmədə Ombudsman Aparatı rəhbərinin müavini Rəşid Rumzadə deyib.
O, İnzibati Xətalar Məcəlləsində narkomaniya ilə bağlı məsələyə yenidən baxılmasını təklif edib: “Bu gün kifayət qədər insan var ki, müalicəyə meyllidir. Amma müalicədən boyun qaçıranları İnzibati Xətalar Məcəlləsinə uyğun cərimə edə, yaxud inzibati həbs tətbiq edə bilərik. Biz artıq narkoloji xidmətə alternativləri düşünməliyik. Reabilitasiya mərkəzlərinin sayı çoxalmalıdır. Sosial xidmətlər özü şəxsin cəmiyyətə qazandırılması baxımından mühüm əhəmiyyət kəsb edə bilər”.
Onun sözlərinə görə, eyni zamanda, maarifləndirmə məsələləri içərisində könüllü müayinə məsələləri genişləndirilməlidir: “Cəmiyyətdə insanlaırn bəziləri könüllü müalicədən məlumatsızdır. Bunun onlar üçün nə dərəcə əlçatan olması barədə məlumatlar çox azdır”.