• 21 Yanvar 2022
logo
Ülvi Mehdiyev: ""ASAN xidmət" mərkəzlərində COVID pasportu tələb olunmur"

Ülvi Mehdiyev: ""ASAN xidmət" mərkəzlərində COVID pasportu tələb olunmur"

"“ASAN xidmət" mərkəzlərində COVID pasportu tələbi yoxdur”.
Bunu Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin sədri Ülvi Mehdiyev Nazirlər Kabineti yanında Operativ Qərargahın brifinqində deyib.
O bildirib ki, çünki burada vətəndaşlara zəruri olan sənədlərin verilməsi təşkil olunur:
“Buna görə də hər hansı ilkin şərt yoxdur. Amma son dövrlər COVID pasportu tələb olunacaq deyə "ASAN xidmət" mərkəzlərinə kütləvi axın var. Bu, epidemioloji vəziyyəti gərginləşdirən amildir”.
O bildirib ki, “ASAN xidmət” mərkəzlərində xidmətlər üçün elektron növbə sistemi var və hər kəs bu tətbiqi telefona yükləyə, gəlməmişdən əvvəl onlayn qaydada növbə götürə bilər: “Vətəndaşlardan xahiş edirik ki, vaxtlarına qənaət etsinlər, həm də risklər almadan əvvəlcədən növbə götürsünlər”.