• 7 Dekabr 2021
logo
Nazir müavini: "İşğaldan azad olunan ərazilərdə ekologiya dəymiş ziyanın hesablanması ilə bağlı müvafiq işlər görülür"

Nazir müavini: "İşğaldan azad olunan ərazilərdə ekologiya dəymiş ziyanın hesablanması ilə bağlı müvafiq işlər görülür"

"İşğaldan azad olunan torpaqlarımızda ekologiya dəymiş ziyanın hesablanması ilə bağlı müvafiq işlər görülür".

Bunu Zəngilanda jurnalistlərə açıqlamasında Ekologiya və Təbii Sərvətlər nazirinin müavini Firdovsi Əliyev bildirib.

F. Əliyev bildirib ki, Azərbaycan ekologiya ilə bağlı 20-yə yaxın konvensiyanın tam hüquqli üzvüdür və Beynəlxalq konvensiyasının mütəxəssisləri bizimlə birlikdə monitorinqlərdə iştirak edəcək: "Onlar erməni vandallığının şahidi olacaqlar. Bizim Qarabağ bölgəsində yeraltı və yerüstü qiymətli yataqlarımız var. Mineral su ehtiyatlarının 40 faizi bu bölgədə formalaşıb".

Nazir müavini qeyd edib ki, mənfur düşmən ölkəmizin faydalı yataqlarımızı da dağıdıblar:

"Bizim qurub, yaratdığımız evlərimizdə 30 il yaşadılar və getdikdə evləri yandırdılar. Bu illər ərzində 100 min hektar ərazidə yanınlar törədib, flora və faunamıza böyük ziyan vurublar. Bunlarla bağlı araşdırma aparılır. Bunlarla bağlı beynəlxalq qurumlar qarşısında məsələ qaldırılacaq".