• 29 Noyabr 2020
logo
Nazir: “Uşaq bağçalarında da təhsil fasiləsi davam edir”

Nazir: “Uşaq bağçalarında da təhsil fasiləsi davam edir”

“Uşaq bağçaları və məktəbəqədər təhsil müəssisələrindən danışırıqsa, burada qayğı və təhsil nəzərdə tutulut. Qayğının onlayn qaydada olması qeyri-mümkündür”.

Bunu Xüsusi karantin rejimi dövründə Azərbaycan Respublikasının ərazisində fəaliyyət göstərən təhsil müəssisələrinin fəaliyyətinin təşkilinə dair əlavə tədbirlər üzrə keçirilən brifinqdə Təhsil naziri Emin Əmrullayev bildirib.

Nazir deyib ki, ümumilikdə uşaq bağçalarında olan təhsil fasiləsi davam edir və fəaliyyəti bərpa edilmir: “Bunun onlayn qaydada olması heç bir məna kəsb etmir. Amma hansısa özəl təhsil müəssisələri, hansısa müəllimlər uşaqlara onlayn qaydada hansısa tapşırıq ötürərsə, burada qanunsuz heç nə yoxdur. Tətildə də hansısa müəllim hansısa şagirdə nəsə öyrətmək istəyirsə, bunu Təhsil Nazirliyi tənzimləmir. Amma ümumilikdə bağçalarda fasilə davam edir və bu məsələ ən azı 2 həftədən tez olmayacaq”.