• 29 Sentyabr 2020
logo
Azərbaycan əhalisinin banklardakı əmanətləri 9 milyard manata yaxınlaşır

Azərbaycan əhalisinin banklardakı əmanətləri 9 milyard manata yaxınlaşır

2019-cu ilin iyun ayında Azərbaycanda fiziki şəxslərin banklarda olan əmanətləri 8 milyard 633.8 mln. manat təşkil edib.
Trend-in məlumatına görə, bu barədə Maliyyə Bazarlarına Nəzarət Palatasının 2019-cu ilin iyun ayı üzrə bank sektorunun icmal göstəricilərində bildirilib.
Qeyd edilib ki, cari ilin 6 ayı ərzində fiziki şəxslərin cəmi əmanətləri 4.4% (364.1 mln. manat) artıb. Artım əsasən tələbli depozitlər hesabına baş verib. Belə ki, 6 ay ərzində tələbli depozitlər 18.1% (505.7 mln. manat) artıb.
İyun ayına bank sektorunun aktivlərinin 43.8%-ni kredit portfeli təşkil edib. Cari ilin ilk yarımilliyində kredit portfeli 4.1% (517.7 mln. manat) artaraq, ümumi kredit portfeli ayın sonuna 13 milyard 146.0 mln. manat təşkil edib.