• 5 Avqust 2020
logo
Azərbaycanda e-sağlamlıq kartı alanların sayı artıb

Azərbaycanda e-sağlamlıq kartı alanların sayı artıb

Azərbaycanda yeni doğulan körpələrin valideynlərinə verilən elektron sağlamlıq kartlarının (e-sağlamlıq) sayı ilin əvvəli ilə müqayisədə 0,2% artıb.

Bunu Səhiyyə Nazirliyinin Səhiyyənin İnformasiyalaşdırılması Mərkəzindən deyiblər.

Mərkəzdən bildirilib ki, bu ilin yanvar-iyun aylarında verilən e-sağlamlıq kartlarının sayı 27 180 ədəd artaraq 13 909 991 ədəd təşkil edib.

Bununla yanaşı, qeyd olunan dövr ərzində diabet xəstələrinə imtiyazlı olaraq 1619 kart verilib. Bu kateqoriyaya daxil olan kartların ümumi sayı 114 560-a çatıb.

Cari ilin ilk altı ayı ərzində tibbi müayinə keçirən xəstələrə (obliqat qrupuna aid olan vətəndaşlara) 8010 kart verilib. Bu kateqoriyaya daxil olan xəstələrə isə ümumilikdə 391 334 e-kart verilib ki, bu da cari ilin əvvəlinin göstəricisini 2,1% üstələyir.

Qeyd edək ki, elektron sağlamlıq kartları Səhiyyə Nazirliyi yanında İctimai Səhiyyə və İslahatlar Mərkəzində istehsal olunur və ambulator klinikalar vasitəsilə yeni doğulanların valideynlərinə, həmçinin tibb müəssisələrinin xəstələrinə pulsuz verilir.