• 28 Sentyabr 2020
logo
İranda koronavirusdan ölənlərin sayı 10 minə çatır

İranda koronavirusdan ölənlərin sayı 10 minə çatır

İranda ötən sutka ərzində daha 133 nəfərin koronavirusdan (COVID19) ölməsi ilə indiyədək bu virusdan ölənlərin sayı 9 996 nəfərə çatıb. Trend-in məlumatına görə, bunu İranın Səhiyyə, Müalicə və Tibbi Təhsil Nazirliyinin sözçüsü Sima Sadat Lari deyib. Sadat Larinin sözlərinə görə, ötən 24 saat ərzində daha 2 531 nəfər koronavirusa yoluxub. Bununla da İranda bu virusa yoluxanların sayı 212 501 nəfərə yüksəlib. Virus daşıyıcılarından 2 869 nəfərin vəziyyəti ağırdır. Nazirlik rəsmisi bildirib ki, indiyədək İranda 172 096 nəfər koronavirusdan sağalıb. İranda koronavirus diaqnozu ilə əlaqədar 1,5 milyondan çox test həyata keçirilib.