• 21 Oktyabr 2020
logo
Türkiyə parlamenti Xocalı faciəsinə zəruri qiymət verməyə çağırıb

Türkiyə parlamenti Xocalı faciəsinə zəruri qiymət verməyə çağırıb

Türkiyə parlamenti Xocalı faciəsinə zəruri qiymət verməyə çağırıb.

Bu barədə parlamentin Xarici əlaqələr komitəsinin bəyanatında deyilir.

Qeyd olunur ki, Xocalı faciəsi bəşəriyyət tarixinin qara ləkəsidir:

“Türkiyə Ermənistan tərəfindən azərbaycanlıların kütləvi qətlini pisləyir və erməni qoşunlarının işğal olunmuş Azərbaycan ərazilərindən çıxarılmasını tələb edir”.

Bəyanatda, həmçinin vurğulanır ki, Türkiyə hər zaman Azərbaycanı dəstəkləyib və dəstəkləməkdə davam edəcək.

Xatırladaq ki, 1992-ci il fevralın 25-dən 26-na keçən gecə silahlı erməni dəstələri keçmiş sovet ordusunun Xankəndidə yerləşən 366-cı motoatıcı alayının ağır texnikası və şəxsi heyətinin köməyi ilə Azərbaycanın qədim Xocalı şəhərinin üzərinə hücum edib və onun dinc əhalisinə amansızcasına divan tutublar.

Hücum zamanı şəhərdə olan 3 min nəfərdən 613-ü, o cümlədən 106 qadın, 63 uşaq və 70 qoca xüsusi qəddarlıqla öldürülüb, 487 dinc sakin ağır yaralanıb, 1275 nəfər girov götürülüb və insanı alçaldan işgəncələrə məruz qalıb, 197 nəfərin taleyi hələ də məlum deyil. Səkkiz ailə tamamilə məhv edilib. Həmin insanlar yalnız etnik mənsubiyyətlərinə - azərbaycanlı olduqlarına görə amansızcasına öldürülüb, işgəncələrə məruz qalıb və şikəst ediliblər.

Ermənilərin bu cəza tədbiri hərtərəfli planlaşdırılıb və yeganə bir məqsədlə törədilib – dinc sakinləri milli mənsubiyyət əlamətinə görə qismən və ya tamamilə məhv etmək. Beynəlxalq hüquqa görə belə hərəkətlər “soyqırımı” anlayışına uyğundur və dünya ictimaiyyəti tərəfindən bu cür tanınmalıdır.