- 23 Aprel 2024
İran Xarici İşlər Nazirliyi (XİN) Dövlət Sərhəd Xidmətinin (DSX) hərbi helikopterinin qəzaya uğramasına görə Azərbaycan xalqına başsağlığı verib.
Bu barədə İran XİN-in sözçüsü Səid Xətibzadə bildirib.
“Bu acı hadisə nəticəsində 14 nəfərin həyatını itirməsi bizi kədərləndirdi. Bu münasibətlə Azərbaycan xalqına və dövlətinə başsağlığı veririk. Hadisə qurbanlarına Allahdan rəhmət, ailələrinə səbr diləyirik”, - S. Xətibzadə vurğulayıb.
Xatırladaq ki, noyabrın 30-da DSX-nin hərbi helikopteri Xızı rayonu ərazisində yerləşən “Qaraheybət” aviasiya poliqonunda təlim uçuşları zamanı qəzaya uğrayıb.
Qəza nəticəsində aşağıdakı hərbi qulluqçular həlak olub:
1. polkovnik Cavadov Fizuli Əli İbram oğlu;
2. polkovnik Nəzirov Emil Nəzir oğlu;
3. mayor Həsənov Elmir Mircəlil oğlu;
4. mayor Əhmədov Elbrus Səmrəddin oğlu;
5. mayor Mayılov Emil Şahid oğlu;
6. mayor Məmmədov Murad Yaşar oğlu;
7. mayor Əliyev Emil Elman oğlu;
8. tibb xidməti kapitanı Əhmədxanov Ceyhun Xanlar oğlu;
9. kapitan Bayramlı Cavid Əhliman oğlu;
10. kapitan Əliyev Xəyyam Əlixan oğlu;
11. kapitan Qaraisayev Teymur Ənvər oğlu;
12. leytenant Süleymanov Abdulla Telman oğlu;
13. baş leytenant Nağıyev Fərid Təyyar oğlu;
14. işçi Nəbiyev Elçin Fikrət oğlu.
Hadisə zamanı polkovnik-leytenant Cəfərov Emil Məmməd oğlu və kapitan Ədilov Ramin Ramiz oğlu yaralanıb.
.jpg)
.jpg "Qüdrət Həsənquliyev: Milli Məclisdə “Büdcəyə nəzarət komitəsi” yaradılmalıdır")
