• 14 Dekabr 2019
logo
add image
Araz Əlizadənin genetik türk rahatsızlığı...

Araz Əlizadənin genetik türk rahatsızlığı...

İlham İsmayılov: "...Onun nifrət etdiyi bir xalqın millət vəkili olması arzuolunan deyil"

Azərbaycanlıların və digər Türkdilli Xalqların Əməkdaşlıq Mərkəzi (ATXƏM) İctimai Birliyinin sədri İlham İsmayılov deputat Araz Əlizadə haqqında açıqlama yayıb. BayMedia həmin açıqlamanı oxuculara təqdim edir:
"ASDP sədri, deputat Araz Əlizadənin İctimai Televiziyada yayımlanan 3D verilişində Qafqaz İslam Ordusunun komandanı Nuru Paşanın Azərbaycanda pul müqabilində döyüşməsi və azərbaycanlılarla türklərin heç bir qan bağlılığının olmaması barədə fikirləri hamı kimi məndə də çox böyük təəssüf hissi yaratdı. Araz Əlizadə bu fikirləri hələ 2017-ci ildə bir neçə dəfə təkrarlamışdı və araşdırmaçı-tarixçilərdən layiqli cavabını da almışdı.

Məsələyə bir az gec cavab verməmizin nədəni son bir həftə ərzində Avropada (Brüsseldə) Azərbaycanın diaspor və media lobbiçiliyi ilə bağlı həyata keçirdiyimiz layihə ilə bağlıdır. Əslində biz ictimai təşkilatlar olaraq, Araz Əlizadə və onun kimi "millət vəkilləri"nin görməli olduqları işləri görməklə məşğuluq. Araz Əlizadə isə Milli Məclisdə boş-boş oturduğu müddət ərzində nə bir faydalı təşəbbüslə çıxış edib, nə də seçicilərin problemlərinin həllində bir yardım göstərib. Bəs Araz Əlizadəni dönə-dönə Nuru Paşa mövzusuna qayıdıb, Türkiyəni ittiham etməsinin kökündə nə dayanır?

Fikrimizcə, Araz Əlizadənin genetik olaraq, şüuraltında bir türk rahatsızlığı var. Bir ay öncə Bakıda baş tutan Türk Şurasının 10 illik yubileyi və bu Şuranın tərkibinin hər keçən il daha dolğunlaşması Araz Əlizadəni rahatsız edir. Həm də o qıcıq yaradan çıxışları ilə İran və Rusiyaya bu rahatsızlığını nümayiş edircəsinə çatdırmağa çalışır. İki il əvvəl də Araz Əlizadə bu mövzunu ortaya atmışdı. Bu həmin vaxtlar idi ki, Azərbaycanla-Türkiyə arasında yaxınlaşma, strateji tərəfdaşlıq pik həddə çatmışdı. Bəlkə də o zaman onun bu münasibətini fikir plüralizmi, fikir müxtəlifliyi kimi dəyərləndirmək olardı. Amma görürük ki, o içərisində bir türk düşmənçiliyi bəsləməkdədir və fürsət düşən kimi qardaş xalqlar arasında nifaq toxumu səpmək, düşmənçilik etməklə məşğuldur. Hesab edirik ki, bu cür açıq-aydın düşmən mövqeyi sərgiləyən bir şəxsin nifrət etdiyi bir xalqın millət vəkili olması da arzuolunan deyil.