Son dəqiqə
- 6 Dekabr 2021
Avropa İttifaqının maliyyə dəstəyi ilə BMT-nin Əhali Fondu (UNFPA) və “Gənc Psixoloqlar” İctimai Birliyi (GPİB) ataların prenatal qayğı sahəsində rolunu artırmaq məqsədilə səhiyyə işçiləri üçün təlimlər təşkil edib.
13-24 mart tarixlərində keçirilən təlimlərdə Azərbaycanın üç bölgəsindən – Abşeron, Ağcabədi və Gəncədən olan həkimlər iştirak edib. Təlimlər Avropa İttifaqının maliyyələşdirdiyi, BMT-nin Qadınlar üzrə Agentliyi (UN Women) və BMT-nin Əhali Fondunun (UNFPA) birgə həyata keçirdiyi “Avropa İttifaqı Gender Bərabərliyi naminə: Birlikdə gender stereotiplərinə və gender əsaslı zorakılığa qarşı” proqramı çərçivəsində baş tutub.
Hər bölgədə iki gün davam edən təlimlərə ümumilikdə 30 həkim qatılıb. Təlimlər proqram çərçivəsində hazırlanmış “Səhiyyə mütəxəssisləri üçün Təlim Paketi” əsasında təşkil olunub. Təlimlər hər modulda bir neçə sessiya olmaqla üç moduldan ibarət olub. Modullar gender və sağlamlıq, kişilərin prenatal qayğıya cəlb edilməsinə dair dəlillər və təcrübələr, siyasi iradə və institusional dəyişiklik mövzularını əhatə edib.
İctimai səhiyyə mütəxəssisləri tərəfindən interaktiv şəkildə tədris olunan təlimlərdə həkimlər müxtəlif qrup işləri və rol oyunları vasitəsilə aktiv fəaliyyətə cəlb olunublar. Həmçinin iştirakçılar üçün xəstəxana gəzintisi təşkil olunaraq müvafiq şöbələrin ataların prenatal qayğıya cəlb olunması baxımından müyəssərliyi qiymətləndirilib. Təlimlərin sonunda həkimlərin təklifləri əsasında fəaliyyət planı hazırlanaraq müvafiq xəstəxananın rəhbərliyinə təqdim edilib.
Sonda təlimlərdə müvəffəqiyyətlə iştirak edən səhiyyə mütəxəssislərinə sertifikatlar təqdim edilib. Layihə çərçivəsində təlim paketi və ataların prenatal qayğıya cəlb olunmasını təşviq edən maarifləndirici buklet hazırlanıb.
Proqram haqqında:
Bu təşəbbüs Avropa İttifaqı tərəfindən maliyyələşdirilən, BMT-nin Qadınlar üzrə Agentliyi (UN Women) və BMT-nin Əhali Fondu (UNFPA) tərəfindən birgə həyata keçirilən “Avropa İttifaqı Gender Bərabərliyi naminə: Birlikdə gender stereotiplərinə və gender əsaslı zorakılığa qarşı” proqramı çərçivəsində icra edilir. Proqram ailədə və cəmiyyətdə kişi və qadın rollarına dair stereotiplərə meydan oxuyaraq və gender əsaslı zorakılığın aradan qaldırılması istiqamətində fəaliyyət göstərərək qadınlar və kişilər üçün bərabər hüquq və imkanları gücləndirməyi hədəfləyir. Proqram regional səviyyədə altı ölkədə – Gürcüstan, Azərbaycan, Ermənistan, Moldova, Belarus və Ukraynada icra olunur
.jpg "Bazel şəhərində Nizami Gəncəvi gecəsi keçirilib")
